Мехъер Зенг авуна заз дустуни рик! алай;
"Хайи хуьре мехъер ава", - лагъана,-
Кимел т!арам, элкъвей са кьуьл авуна,
Гьейран ая рушар, свасар атана".
Мехъер, мехъер, валай гуьзел вуч ава?!
Гьамиша заз и шад хабар атурай!
Венерада, белки, инсан ават!а,
Адани заз мехъерик ша лугьута...
Добавлено (02.02.2009, 14:46)
---------------------------------------------
Багъда
Гьисабзава зани йисар - фейибур,
Рик!ел хквез зи аялвал, жегьилвал.
Тарар ава гъвеч!ибурни ч!ехибур,
Сад фараш яз, садахъ жеда сефилвал.
Дунья багъ я, багъдин са тар инсан я
Несилризни бегьердин пай акъакьдай.
Гьахъ гвачир кас чилел, цава душман я,
Вири тергиз, тек са вич хуьз алахъдай.
Добавлено (02.02.2009, 15:02)
---------------------------------------------
Дагъда гатфар я
Диде, диде, чаз мад гатфар атана,
Гурлу межлис къурмишзава цуьквери.
Дере, к!амал рагъул селдив ац!ана,
Лацу к!уртар хут!унзава чуьллери.
Чеб гьар жуьре пагьливанрив гекъигиз
К!елеривни дамах жеда яйлахра.
Югъди-йифди худ манидал илигиз
Михьи, къайи ятар физва булахрай.
Тепедалла чубан гада к!убан яз,
Гьей гуз хпез, бармак вегьиз цавариз,
Гагь абурувай яваш-яваш къерех жез,
Хкаж жезва лекь хьиз кьакьан рагариз.
Са кьуьзуьда там кутазва гуьнеда
Гъана вичин рик!из к!андай къелемар.
Трактордин ван кутунва дереда,
Чил туьк!уьриз цун паталди келемар.
Къакъра ягъиз, галаз кьулухъ шарагар,
Къвед элкъвезва бугъ чик!извай шимерал,
Сусар физва яслидиз гваз аялар,
Назикдаказ кьуна чпин гъилерал...
Добавлено (02.02.2009, 15:09)
---------------------------------------------
Кьудар
Вунни уст!ар, зуни уст!ар
Килиг жуван цлариз,
Какур керпич, къван я ухшар
Дуьз кьун тавур ц!арариз.
Вац!арик звер ква
Авахьиз гьуьлуьз,
Рушан сивик хъвер ква
Къе физвай гъуьлуьз.
Ичин багъда ксуда зун
Варз алай йиф гуьзетиз.
Белки вунни къведа иниз
Ц!ийи вацраз г
