 Меню | |
| Категории каталога | |
| Форма входа | |
| Жагъурун | |
|
| Дустар | |
|
| Чи силис | |
|
|
|
|
ЭФРУЗ РЕГЬИМОВА. "ЯРАН СУВАР" (4 пердедин пьеса) продолжение 4
ЭФРУЗ РЕГЬИМОВА. "ЯРАН СУВАР" (4 пердедин пьеса). Ləzgicə pyes: sonu II
Тапархъан (вилер мичIна): - Жейрандин вилер, гьяркьуь пел, ХангуцIан япар хьтин япар, ви нер хьтин нер, Аярхануман пIузарар хьтин пIузарар, Шавхабеган хъуьхъвер хьтин хъуьхъвер кIан я заз. Зи ченени икI амукь тавурай, ам Эмирбеган чене хьиз хьурай. (Гадади гьар са гаф лугьудайла, Мурада Тапархъанан тIуб гьисдай кьацIуриз адан суфатдал алтадзава. Адан чин акурдаз кичIе жедай гьалдиз къвезва.) Гьа кван, иер хьанани? Зи рикI пад жезва, фад ая кван.
Мурад: - Акъваза кван, чиниз са кIус нурни гун.(ЧIулаврин кьилелай яру, лацу рангарни алтадзава.)
Мурада чантадай гуьзгуь акъудна, Тапархъанан вилик эцигна, адав вилер ахъайиз тазва. Вич сегьнедай экъечIзава. Вичин чин акуна кичIе хьайи
Тапархъан чилел ярх жезва.
Ярал буба: - Гьа, хтулар, махар ахъайна куьтягьайдалай гуьгъуьниз чна вуч ийида?
ХангуцI: - Демер кутада.
Пейкар хала: - Ша Эмирбег, ша чун хъфин, йиф физва.
Рушар (Сад – садаз вилербурна манидал илигзава. Абуру и мани «Ша, Эмирбег, ша» манидин аваздив лугьузва.)
- Лезги хуьре сувар ава,
Ша, Эмирбег, ша.
Лезги кIвале демер ава,
Ша, Эмирбег, ша.
Ярбиче баде (манидив):
- Чун чин – чинал къуншияр я,
Рехъ я чи часпар.
Чна санал аладарда
Мехъерни сувар.
Вирида санал:
- Лезги хуьре сувар ава,
Ша, Эмирбег, ша.
Лезги кIвале демер ава,
Ша, Эмирбег, ша.
Пейкар хала:
- Чи бахтлувал такIанбурун
Вилер авахьрай.
Чи душманрин бед ниятар
Чпел ацахьрай.
Вирида санал:
- Лезги хуьре сувар ава,
Ша, Эмирбег, ша.
Лезги кIвале демер ава,
Ша, Эмирбег, ша.
Вирида капар ягъиз, Эмирбег халудини Пейкар халади кьуьлзава. Ахпа вирида санал кьуьлиз – кьуьлиз абур рекье твадайла, манийрин ванцел вич – вичел хтай Тапархъан абурун вилик акъатзава. Аялриз кичIе жезва.
Пейкар хала: - Вууу.., я Кускафтар и чинив вун и дуьньяда гьикI къекъвезва?
Эмирбег халудиз катзавай Тапархъан чумахъдив ягъаз кIанзава.
Эмирбег халу: - Квахь инлай, техквердиз!
Ярбиче баде (тамашачийриз): - Чан балаяр, куьн Гъуцари ихьтин пехил ксарикай, иблисрикайни фасикьрикай хуьрай. Куьн гьамиша лугьуз – хъуьрез, шад ва хуррам хьурай. Квез Яран суварар мубаракрай!
Перде кIев жезва.
| | Категория: Пьесы | Добавил: lezgiland (17.12.2008)
| | Просмотров: 1188
| Рейтинг: 0.0/0 |
|
|
|
